Poliki-poliki, Arratzua-Ubarrundian euskaraz bizitzeko eremuak irabazten ari gara. Eta udalerriko euskaldunen sarean izena ematen ari zarete asko eta asko. Segi horrelaxe, oraindik badago eta aukera. Egin klik azpiko estekan, eta listo!!

ARRATZUA-UBARRUNDIAKO EUSKALDUNEN SAREAN EMAN NAHI DUT IZENA!

Sarearen aurkezpena egiteko, abenduaren 21ean (osteguna), 19:00etan Sologana Gizarte Etxean, bi gonbidatu oso berezi izango ditugu: Andoni Egaña bertsolaria, eta Xabier Lizaso piano-jolea, BI ARREBA ikuskizunarekin. Hona hemen sinopsia (eta adibide bat, hemen klik eginda):

Chopinzalea da Xabier Lizaso piano-jolea. Xenpelar gustuko du Andoni Egaña bertsolariak. Chopinek eta Xenpelarrek badute elkarrekiko antzekotasunik. Garai beretsuan bizi izan ziren. Biak ziren, bakoitza bere arloan, artista handiak. Biak izan ziren berritzaile. Biak ziren katolikoak. Biak ziren Estadurik gabeko nazioetakoak. Biek bizi izan zituzten garai politiko gatazkatsuak. Biak hil ziren gazterik, biak gaisotasunez ondorioz, bata 34 urterekin eta bestea 39rekin. Eta heriotza orduan, biek izan zuten ondoan…arreba.
Chopin eta Xenpelarrek ez zuten elkar ezagutu. Xabier Lizasok eta Andoni Egañak bai. Horregatik, bi mundu, bi obra, bi kultur-modu eta bi arreba ezagutu eta ezagutzera emateko ahalegina egin dute.

 

 

 

 

 

Arratzua-Ubarrundian euskaldun asko bizi gara. Baina ba al dugu gure artean loturarik? Herriz herri, auzoz auzo... Euskaraz bizitzeko aukerak handitu nahi baditugu, elkarren arteko loturak bilatu behar ditugu!!

Horretarako, anbizio handiko egitasmo bat jarri nahi du martxan Arratzua-Ubarrundiako Udalak: udalerriko EUSKALDUNEN SAREA osatu nahi dugu. Berdin dio zein den zure euskara maila: euskaraz hitz egiteko gai zaren, edo irakurtzeko gaitasuna bakarrik duzun. Anima zaitez, eta eman izena... Eta datozen hilabeteetara begira, euskarazko hainbat jardueratan parte hartzeko aukera izango duzu!!

Izena ematea erraz erraza da. Egin klik azpiko estekan:

ARRATZUA-UBARRUNDIAKO EUSKALDUNEN SAREAN EMAN NAHI DUT IZENA!

Eta bete bertan eskatutako datuak. Eta listo, sarearen parte zara!!

Eta, azkeneko ohar bat: abenduaren 21ean (osteguna), 19:00etan Sologana Gizarte Etxean, sarearen aurkezpena egingo dugu, oso gonbidatu bereziekin: Andoni Egaña bertsolariak, eta Xabier Lizaso piano-joleak, BI ARREBA ikuskizuna eskainiko digute, aurkezpenaren ondoren. Ezin duzu galdu...

 

 

 

Hemen daukazue datorren ikasturteko kirol eta kultura ekintzen informazioa! 

preview

Ekintzen informazioa kontsulta dezakezu hemen

Ekintzaren batean izena eman nahi baduzu, izen-emate orria bete eta udaletxean entregatu 1.hiruhilabeteko kuotaren ordainketaren agiriarekin batera.

GOGORATU! Bi ekintza edo gehiagotan izena eman nahi baduzu, %20ko deskontua izango duzu ekintza guztietan, kontutan hartu behar duzularik kuotaren ingresua egitrakoan.  

Izena emateko epea IRAILAREN 11an,astelehena, bukatzen da.

 

Mintzalagunen sarea zabalduz eta sendotuz doa Euskal Herrian zehar: 6000 pertsonak baino gehiagok osatzen dute. Gaur egun 1075 talde daude martxan eta astero 120 herritan elkartzen dira elkarrekin euskaraz egiteko. Eta, noski, Gorbeialdean ere baduzu horretarako aukera.

Zer da mintzalaguna?

Euskaraz hitz egiteko ohitura dutenak eta mintzapraktika egin nahi duten pertsonak biltzeko programa da.

Zertarako?

Euskara hobetzeko, gehiagotan erabiltzeko, euskaraz bizitzeko, normalizazioaren alde egiteko, ingurune euskalduna sortu, indartu eta zabaltzeko...

Nola hitz egingo dugu?

Astean behin; ordubetez, talde txikitan. Paseoan, kafetegian, parkean...  euskaraz hitz egiteko ohitura dutenak eta mintzapraktika egin nahi dutenak elkartuta, gainontzeko mintza-taldeekin koordinatuta.

Ekintza osagarriak:

Herriko gainontzeko mintzalagun taldeekin irteerak, afariak, kirol ekintzak,  Mintza Eguna...

Parte hartzeko baldintza: 

Euskaraz komunikatzeko gutxieneko maila izan behar da. Izen ematea urrian zehar izango da, azaroan taldeak sortu eta martxan jartzeko.

Informazioa

Urkabustaizko liburutegian, Zigoitiko kultur etxean, Gorbeialdeko Kuadrillaren egoitzan edo Zuiako liburutegian, Legutioko liburutegian, eta Aramaioko udaletxean edo liburutegian. Edo jarri harremanetan honakoekin:

Gorbeialdeko mintzalaguna: Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko. / 662120209

Gorbeialdeko Kuadrillako euskara zerbitzua: Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko. / 945430167

 

BIDEOA: https://www.youtube.com/watch?v=OVdKhNx9rUs&feature=youtu.be

 

Arratzua-Ubarrundiako udalak eta gazte asanbladak, azken urteotan bezala, EUSKARAZ BIZI EGUNA antolatu dugu. Helburu bikoitza du ekitaldi honek: batetik, gure udalerrian euskaraz bizitzeko gogoa duten herritarrei hainbat bilgune eskaini nahi dizkiegu, euskaraz aritzeko aukera naturala izan dezaten. Bestetik, urtean zehar gure udalerrian dugun euskarazko kultur eskaintza handitu nahi dugu.

Aurten, gainera, lekuz aldatuko dugu jai-eguna, Landatik Zurbanora. Eskerrak eman nahi dizkiegu, lerro hauen bitartez, orain arte lagundu digun Landako administrazio batzarrari, eta ongietorria eman digun Zurbanokoari.

Hona hemen aurtengo egitaraua:

Ekainak 17, larunbata. ZURBANO (eliza ingurua)

10:00Umeentzako auzolana (Zurbanoko juntak antolatuta)

12:00Kixka taldea: “Bolaluma” antzerkia. Aldi berean, Saski eta futbol txapelketa

13:00Trikipoteoa

14:30Bazkaria. Izena emateko: 648026250 (Endika) / 660630778 (Mikel)

16:00Bertso-saioa. Xabi Antia eta Izar Mendiguren

17:00Mus txapelketa

18:00Herri Kirolak

20:00Kontzertuak: AMG, Odolkiak, Aitor Agirre, eta erromeria Honat taldearekin.